?

Log in

No account? Create an account
Новгородская икона Софии Премудрости Божией «Избра́нному пре́жде вѣ́къ содѣ́лать спасе́ніе мíра вели́каго совѣ́та Ангелу, Сы́ну Бо́жію Іису́су Христу́, пріиди́те, вѣ́рніи, поклони́мся и припаде́мъ Ему́, сла́вяще неизрече́нное о на́съ Боже́ственное смотре́ніе, и я́ко изба́вленіи отъ вѣ́чныя сме́рти вознесе́мъ Ему́, Спаси́телю на́шему и Бо́гу, благода́рственную пѣ́снь, душа́ми чи́стыми и нескве́рными устна́ми взыва́юще: Сла́ва Тебѣ́, Го́споди, сла́ва Тебѣ́. — Ангеловъ и всѣ́хъ небе́сныхъ си́лъ ликостоя́нію подража́юще, превы́шнему престо́лу Вседержи́теля Бо́га предстоя́щихъ, и трисвяты́мъ гла́сомъ немо́лчно славосло́вящихъ всечестно́е и великолѣ́пое и́мя Его́, иску́пленніи раби́ Твои́, Христе́ Царю́, дерза́емъ а́ще и недосто́йно восхвали́ти Тя́, Спа́са и Изба́вителя на́шего Бо́га.Read more...Collapse )
Святой праведный Стефан Высокий, деспот Сербский «Яко забра́ло крѣ́пкое яви́лся еси́ стра́ждущему ро́ду на́шему, Стефа́не прему́дре, и послѣ́довавъ ца́рственнымъ роди́телемъ твои́мъ, оте́чество на́ше украси́лъ еси́ це́рквами мно́гими. Въ вѣ́рѣ же святѣ́й отцы́ на́ша наста́вилъ еси́, въ не́йже не преста́й и на́съ укрѣпля́ти моли́твами твои́ми у престо́ла Вы́шняго. — Вѣ́рнаго Ти́ во́ина Стефа́на Высо́каго возлюби́въ, Христе́ Бо́же, низпосла́лъ еси́ ему́ си́лу благода́ти, во е́же увѣ́дѣти та́йны небе́сныя и ревнова́ти о сла́вѣ Твое́й, е́йже кла́няющеся и мы́, всегда́ мо́лимъ Тя́: поми́луй ны́, Спа́се, во Ца́рствіи Твое́мъ. —Read more...Collapse )
Святой праведный Стефан Высокий, деспот Сербский «Съ высоты́ воспрія́въ увѣща́ніе, оте́честву твоему́ бы́лъ еси́ предста́тель и просвѣти́тель, святы́й пра́ведный де́споте Стефа́не, супоста́ты побѣжда́яй, и лю́ди своя́ просвѣща́яй, и мно́гія хра́мы устроя́яй, сего́ ра́ди чту́ще тя́, мо́лимъ: моли́ Христа́ Бо́га о спасе́ніи наро́да се́рбскаго. — Пріиди́те, лю́діе, воспои́мъ Стефа́на Высо́каго, де́спота Се́рбскаго, я́ко до́бля во́ина и до́браго строи́теля, пра́во пра́вяща на престо́лѣ оте́чества своего́, лю́ди своя́ защища́юща, и принесе́мъ ему́ сугу́быя похвалы́, благодаря́ще Го́спода, дарова́вшаго на́мъ сицевы́я ми́лости Своя́. —Read more...Collapse )
Святитель Савва и преподобный Симеон Сербские, Хиландарские «Отцы́ на́ши богоблаже́нніи, Аѳо́нстіи подви́жницы, Хиланда́рстіи свѣти́льницы, непоколеби́міи столпи́ Правосла́вія, и́стинніи наста́вницы ева́нгельскихъ преда́ній, Влады́ку всѣ́хъ, Христа́, моли́те ми́ръ вселе́ннѣй дарова́ти и душа́мъ на́шимъ ве́лію ми́лость. — Благоче́стно на земли́ пожи́сте, ева́нгельскія и́стины на Аѳо́нѣ напои́вшеся, крѣ́постію Ду́ха Свята́го просія́сте и ны́нѣ на небесѣ́хъ весели́теся, тѣ́мже мо́лимъ ва́съ мы́, недосто́йніи: моли́твами ва́шими святы́ми изба́вите на́съ отъ всѣ́хъ бѣ́дъ и печа́ли. —Read more...Collapse )
Монограмма Христа «Всехва́льніи му́ченицы, вы́, ка́меніемъ сокруша́еми, Христа́ Ка́мене не отверго́стеся неруши́маго, но, побѣдоно́сцы благода́тію бы́вше, со а́нгельскими ли́ки ра́дуетеся. Съ ни́миже моли́теся дарова́ти душа́мъ на́шимъ ми́ръ и ве́лію ми́лость. — Добропобѣ́дніи му́ченицы, въ темни́цахъ ку́пно затворя́еми, я́ко за́повѣдемъ Бо́жіимъ храни́тели, и истаява́еми жа́ждею, съ небесе́ ро́су прія́сте, ва́съ духо́вно прохла́ждшу. Тѣ́мже моли́теся дарова́ти душа́мъ на́шимъ ми́ръ и ве́лію ми́лость. — Непобѣди́міи му́ченицы, жи́знь и́стинную жела́юще и при́сно пребыва́ющую, сме́рть непра́ведну беззако́ннымъ мече́мъ, ра́дующеся, подъя́сте, и ны́нѣ съ му́ченики весели́теся, съ ни́миже моли́теся дарова́ти душа́мъ на́шимъ ми́ръ и ве́лію ми́лость. —Read more...Collapse )
Преподобный Тихон, калужский чудотворец «Возбра́нный чудотво́рче и преди́вный по́стниче, вели́кій уго́дниче Христо́въ, преподо́бне о́тче Ти́хоне, гра́ду и странѣ́ на́шей источа́яй многочуде́сныя цѣльбы́ и ми́лости, восхваля́емъ тя́ любо́вію, достохва́льне. Ты́ же, я́ко имѣ́я дерзнове́ніе ко Го́споду, отъ вся́кихъ на́съ бѣ́дъ свободи́, да зове́мъ ти́: Ра́дуйся, преподо́бне о́тче на́шъ Ти́хоне чудотво́рче. — Ангеловъ Творе́цъ, въ Тро́ицѣ Бо́гъ сла́вимый, предувѣ́дѣвый чи́стаго се́рдца твоего́ изволе́ніе, показа́ тя́ мíрови и́стиннаго ревни́теля благоче́стія и добродѣ́телей подви́жника, вся́ земна́я вмѣни́вшаго въ уме́ты. Того́ ра́ди мы́, любо́вію побѣжда́еми, вопіе́мъ ти́ си́це:Read more...Collapse )
Преподобный Тихон, Лухский чудотворец «Вои́нствованіе царю́ земно́му на слу́жбу Царю́ Небе́сному премѣни́лъ еси́, Ти́хоне богому́дре, тѣ́мже и сугу́бымъ вѣнце́мъ вѣнча́лся еси́, я́ко до́брый во́инъ, и подви́жникъ, и побѣдоно́сецъ соверше́нный на враго́въ ви́димыхъ и неви́димыхъ. — Се́ что́ добро́, или́ что́ красно́, но е́же жи́ти бра́тіи вку́пѣ, — воспѣва́лъ еси́ Дави́дски, Ти́хоне преподо́бне. Сего́ ра́ди вожделѣ́въ любодру́жное благо́е еди́нство, духо́вное бра́тство въ пусты́нѣ се́й совокупи́лъ еси́, е́же и назира́й непреста́нно, мо́лимъ тя́, пася́ и посѣща́я духо́вныхъ ча́дъ твои́хъ, ко Го́споду моли́твами твои́ми. —Read more...Collapse )
Преподобномученица Феодосия Константинопольская «Добродѣ́тель благопрія́тно, му́ченице, пости́гла еси́, Христо́во прія́телище бы́сть чи́стое и Свята́го Ду́ха до́мъ возлю́бленъ; отню́дуже посрами́ла еси́ врага́, борю́щаго ро́дъ человѣ́ческій, до́брѣ страда́вшая, и посѣ́кла еси́ Копрони́ма, Ѳеодо́сіе, мече́мъ вѣ́ры, и къ черто́гу небе́сному преста́вилася еси́, ра́дующися. Тебѣ́ вѣ́рою чту́щимъ при́сно проси́ ве́лія ми́лости. — Му́ченице дѣ́во, всехва́льная Ѳеодо́сіе, Христа́ вседу́шно возжела́вши, муче́нія претерпѣ́ла еси́ ра́ны, до́блественнѣ ураня́ема за твоего́ Рачи́теля и стру́жема ногты́ по ре́бромъ.Read more...Collapse )
Преподобный Никита, епископ Халкидонский «Авраа́ма страннолю́бное и Исаа́ка боголю́бное, Іа́кова нехи́тростное подража́въ, терпѣ́ніе изобрази́лъ еси́ Іова Авситидíйскаго, и кро́тость Дави́дову, и Моисе́ово незло́біе, пома́заніемъ святы́мъ, я́коже Ааро́нъ дре́вле, пома́занъ, святи́телю богоно́се, чудотво́рче свяще́нне. — Мно́гое беззло́біе твое́ зло́бу прогна́ де́монскую благода́тію Боже́ственнаго Ду́ха, спострада́ніемъ твои́мъ возвесели́въ Бо́га, Его́же возжела́лъ еси́, моли́твъ прилѣжа́ніемъ просвѣти́ся ду́хъ тво́й. Тѣ́мже прія́лъ еси́ чуде́съ благода́ть цѣли́ти неду́ги, Ники́то, благоче́стно притека́ющимъ къ тебѣ́. —Read more...Collapse )
Святитель Тихон, патриарх Всероссийский «Вѣдомо намъ по городу Москвѣ и изъ другихъ мѣстъ Епархіальные Преосвященные сообщаютъ, что въ нѣкоторыхъ храмахъ допускается искаженіе богослужебныхъ чинопослѣдованій отступленіями отъ церковнаго устава и разными нововведеніями, не предусмотрѣнными этимъ уставомъ. Допускаются самовольныя сокращенія въ чинопослѣдованіяхъ и даже въ чинѣ Божественной Литургіи. Въ службахъ праздника выпускается почти все, что составляетъ назидательныя особенности праздничнаго богослуженія, съ обращеніемъ, вмѣсто сего, вниманія на концертное исполненіе обычныхъ пѣснопѣній.Read more...Collapse )

Послѣдній мѣсяцъ

December 2015
S M T W T F S
  12345
6789101112
13141516171819
20212223242526
2728293031  

Тэги

Выгрузка

RSS Atom
Powered by LiveJournal.com