russportal (russportal) wrote,
russportal
russportal

18 января. Служба свв. тремъ свят. Максиму, Аѳанасію и Кириллу

Святитель Максим Новый, архиепископ Сербский «Се́й блаже́нный и ди́вный Макси́мъ бы́сть отъ ко́рене благочести́ваго Симео́на Нема́ни, сы́нъ же де́спота Стефа́на, Стефа́нъ же бы́сть сы́нъ Гео́ргія де́спота. Се́й же Стефа́нъ му́дростію и хра́бростію превосходя́ мно́гихъ, красото́ю же преизли́ха, я́ко прослу́тися о хра́брости и ра́зумѣ его́ до сама́го ами́ры Амура́та, и́же вожделѣ́ ви́дѣти его́, ку́пно и съ бра́томъ Ге́ргуромъ. Посыла́етъ у́бо ко отцу́ и́хъ Гео́ргію, во е́же посла́ти къ нему́ сы́ны своя́ на ви́дѣніе Ма́ри цари́цы. И, вѣ́рою и кля́твою утве́рждъ, возврати́ти и́хъ здра́вы во своя́ си́. Оте́цъ же и́хъ, вѣ́ру е́мь, посыла́етъ и́хъ къ ами́рѣ на посѣще́ніе дще́ре своея́; ами́ра же весе́ло и любо́вно пріе́млетъ и́хъ. Они́ же, мно́гую хра́брость показа́ша на ко́нскомъ риста́ніи, я́ко въ не́нависть подви́гнути ага́ряны хра́брство и красота́ и́хъ. И та́ко сшива́ютъ клеветы́ за́вистныя. Приступа́ютъ къ царю́, глаго́люще: «а́ще пу́стиши здра́вы таковы́я храбрецы́, мы́ у́бо по́слѣжде отъ ни́хъ побѣжде́ни бу́демъ. Аще ли же искази́ши и́хъ, мы́ зе́млю и оте́чество и́хъ во́змемъ въ на́ше достоя́ніе». Якоже и бы́сть. И та́ко окая́нный ца́рь, скве́рну вѣ́ру свою́ и кля́тву преступи́въ, о́ба бра́та лиша́етъ зѣ́ницъ о́чныхъ...» (М., 1765.) далѣе...
Tags: Богослужебные тексты, Литургика, Святые
Subscribe

  • Post a new comment

    Error

    Comments allowed for friends only

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 2 comments